CANLAON CITY, NEGROS ORIENTAL – Gintiro sang isa ka manghud ang iya man lang magulang kahapon sa ciudad sang Canlaon sa Negros Oriental.
Nakilala ang biktima nga si Abloy Walog, 38 anyos ang edad, single kag pumuluyo sang amo nga lugar.
Ang suspek naman ginkilala kay Puloy Walog, legal ang edad, manghod sang biktima kag residente man sang Canlaon City.
Suno sa biktima nga may mga las tres kahapon sang hapon ini siya ang nag-agi sa balay sang iya manghud kag nakibot na lamang ini sang hinali siya nga gintiro sang suspek.
Nag-angkon sang pilas sa iya wala nga paa ang biktima kag padayon karon ginabulong sa Corazon Locsin Montelibano Memorial Regional Hospital./dyHB BACOLOD
Facebook Comments
