Kalawit ZN – Nalandig sa balay tambalanan ang usa ka 24 anyos nga lalaki human gitigbas sa magulang alas 8:30 sa kagabhion, nahitabo sa may Barangay San Jose, lungsod sa Kalawit, probinsiya sa Zamboanga Del Norte.
Ang biktima giilang si Edilberto Limbas Galon, 24 anyos, kinsa kaduha natigbasan sa walang abaga sa iyang magulang nga si Noven Limbas Galon, 40 anyos minyo, diin polos kini lumulupyo sa maong dapit.
Gibutyag sa imbestigasyon sa Kalawit Municipal Police Station nga nga nagkuyog ug inom didto sa balay sa magulang nga Noven.
Dihang nalango sa gi-inom, naugkat matud pa ang kara-an nilang bikil nga nisangpot sa pagpanigbas sa magulang ngadto sa iyang manghud gamit ang usa ka sundang.
Nakapangayo pa ang biktima og tabang hinungdan nga gidali siya pagdala sa mga silingan didto sa Zamboanga Sibugay Medical Center sa lungsod sa Ipil, didto karon gitambalan.
Ang suspetsadong maguwang malampuson nasikop sa niresponding kapulisan kinsa padlock na karon sa prisohan.
