Davao City – Gitigbas ang usa ka lalaki human kini nanglabay og bato ug nanunggab sa iyang magulang alas 6:00 sa gabie nahitabo sa Brgy. Linawan, Bansalan, Davao del Sur sa milabay’ng adlaw.
Sa record sa Davao del Sur Provincial Police Office (DSPPO), naila ang biktima nga si Reynaldo Osayas, hamtong, minyo ug residente sa maong lugar samtang ang iyang magulang mao si Catalino Villarba Osayas, 48 anyos, mag-uuma ug minyo.
Sa inisyal nga imbestigasyon gilabayan og bato sa biktima ang iyang magulang kinsa naigo sa wala nga bahin sa paa ug gidunggab sa nagkadalaing parte sa kalawasan diin naigo usab sa wala nga bahin sa mata.
Nakadagan matud pa si Catalino paingon sa kusina ug gikuha iyang lagaraw dayon gitigbas iyang manghod igo sa nagkadaiyang parte sa kalawasan niini.
Daling gidala sa Southern Philippines Medical Center (SPMC) si Reynaldo aron matambalan samtang boluntaryong nisurender sa Bansalan Municipal Station si Catalino human sa insidente.
RadyoMaN Jason Amisola
