CALATRAVA, NEGROS OCCIDENTAL – Naospital ang mag-utod matapos nga ini sila ang naglab-anay kagab-i sa Brgy. Marcelo, banwa sang Calatrava.
Nakilala ang biktima nga sanday Daniel Pacio, 46 anyos, single, kag ang manghud niya nga si Dante Pacio, legal ang edad, kasado, lunsay pumuluyo sang Sitio Milo, Brgy. Marcelo, Calatrava.
Suno sa utod sang biktima nga nag-pacify gid lamang siya sa iya magulang nga si Daniel nga tuman na ka hubog.
Apang, imbes nga magpamati, iya pa sini ginhangkat ang iya manghud tubtub nga ini sila nga duha amo naman ang nag-away kag naglab-anay gamit ang binangon.
Ang magulang nag-angkon sang pilas sa iya guya kag kamot samtang ang manghud naman napilasan sa iya magtimbang nga abaga kag idalum sang iya ilok.
Ini sila ang lunsay karon ginabulong sa Corazon Locsin Montelibano Memorial Regional Hospital./dyHB BACOLOD
