Gipahibalo karon sa Department of Public Works and Highways nga gumikan sa ilang widening project pagasiraduhan nila sa pipila ka oras ang Mangima Bridge sa Manolo Fortich Bukidnon. Para sa tanan dapat masayod kini nga magpadayon ang maong sitwasyon sa Jan. 29, 2018.
Walay lain pang alternative route ang para niining maong bahin sa Sayre Highway matud pa ni Hansel Echavez nga mao ang head sa Public Affairs Information and Assistance sa kapitolyo.
Pinasubay usabi kini sa hangyo sa project contractor nga M. Montesclaros Enterprises Inc. alang sa importanteng procedure sa widening project nga padayon karong gibanatan.
Karong adlawa hangtod gikan 12am to 4am ug sa alas 9 ngadto sa 1130 sa kagabhioon. Samtang sa Lunes possible usab kini nga magsira sa 12am ngadto sa 4am kung dili pa gihapon mahuman ang trabaho.
Hinoon mipasalig ang contractor nga kung adunay mga emergency situations sama sa mga ambulance, firetrucks ug rescue nga mga sakyanan ang gusto magi ang ila gilayon kining hatagan ug konsiderasyon.
