General Santos City–Malampusong nasikop sa personahe sa Police Station 1 ang usa ka mangingilad nga naga pang biktima ug mga tindahan sa syudad pinaagi sa pag sinsilyo matud pa sa mga nilibo nga kwarta sa patigayon.
Ang suspect ang giilang usa ka Juliana buscagan dibdib, 45 anyos, nga nanimuyo sa Barangay Sandawa, Davao City.
Sumala pa sa imbistigasyon sa kapulisan nga unang nabiktima sa suspect ang usa ka Meralyn Samio, 24 anyos, empleyado sa Aficianodao Perfume nga nahimutang sa usa ka mall sa syudad, alas 10:30 matud pa ang takna sa buntag miduol kaniya ang suspect ug nagpakaron-ingnon nga trabahante sa mall ug mikanayon nga iyahang sinsilyuan ang kwarta sa nasangpit nga patigayon ug gagmay nga mga bills apan pagdawat matud pa niini sa kwarta gilayon kining misibat pagawas sa Mall dala ang 5 mil ka pesos.
Subli man usab nga miatake ang suspect sa usa ka kan-anan nga tri-mo restaurant nga nahimutang sa bulaong Avenue, Barangay North kung diin samtang anaa sa tindahan ang biktima nga si Stephen Fuscalbo, 23 anyos ug manager sa moang kan-anan miduol kaniya ang suspect ug nagpakaron-ingon nga kambyuhan ang 2 mil ka pesos niini.
Apan pagdawat matud pa sa suspect sa kwarta gilayon kini misuway ug sibat pinaagi sa pagsakay sa bus, maayo nalang nabantayan sa biktima ug gigukod ang suspect pag-abot matud pa sa 7/11 sa bulaong na abtan niini ang suspect ug narecover ngadto kaniya ang kwarta sa 2 mil ka pesos.
Takdang pasakaan ug kasong estafa ang suspect human nga masikop kini kung asa nag tingkagol kini sa Police Station 1. (Dave Silagan)
