Mangnobyo kag isa la lalaki dakop sa buybust sa Pontevedra

92

PONTEVEDRA, NEGROS OCCIDENTAL – Mag nobyohanay kag isa pa ka lalaki dakup sa ginpatigayon nga buybust operation kagab-i sa Brgy. Antipolo, banwa sang Pontevedra.

Nakilala ang mga nadakpan nga sanday Hazellyn dela Cruz, 25 anyos, ang iya boyfriend nga si Jose Edrian Moises, 20 anyos kag si Gerald de Ramos, 50 anyos, driver sang ila ginsakyan nga Crosswind.

Ang buybust ginpatigayon sang PDEA Region 6 sa pagpanguna ni PDEA Investigastion Agent Manny Portugal Jr. may mga las 10 kagab-i sa Purok Santan, Brgy. Antipolo, Pontevedra.

Suno kay Portugal masobra na isa ka semana ang ila pagbantay kag pag contact sa mga target person paagi sa pagtext matapos nga may nag report sa PDEA nga ini sila naga-operate sa Southern Negros.

Base sa pagpangusisa, ginapaagi sa text ang transaction kon diin ang buyer nagapadala sang mensahe sa mga suspek kon ini sila ang magbakal sang shabu.

Nakuha sa tatlo ka mga supsek ang isa ka daku nga sahcet sang suspected shabu kag marked money nga kapin P15 mil pesos, isa ka gamay nga sachet sang suspected shabu, P100 peso bill kag ang puti nga salakyan nga gina-gamit sang mga suspek sa ila pagpangdul-ong sang illegal nga druga para sa ila mga kliyente.

Ang mga suspek yara karon detained sa talatapan sang PDEA diri sa ciudad sang Bacolod./ Grace Supe

Facebook Comments