Mangugnuma patay sa pagpangluthang, motibo away sa lupa

Dead on the spot ang isa ka mangunguma makaligad nga luthangon sang wala nakilal-an nga suspek alas 9:15 sang nagligad nga gab-i sa Sitio Motolob, Barangay Halilan, Lake Sebu, South Cotabato.
Ginkilala ang biktima kay Jimmy Samblan Ofong, 46anyos, may asawa, mangunguma residente sang nasambit nga lugar.
Suno sa imbestigasyon sang Lake Sebu PNP, bag-o pa nagluntad ang insidente, nagaatiman sang ila maisan ang biktima kaupod ang iya bata nga lalaki sang hinali na lang nga nag-abot suno pa ang suspek kag gilayon nga ginluthang ang mag-amay.
Tigayon suno pa nga ginbawian sang kabuhi ang biktima matapos matiruhan sa iya wala nga abaga.
Samtang madasig naman nga nagpalagyo ang suspek matapos ang insidente.
Sa subong nagapabilin pa sa punerarya ang bangkay sang biktima para sa patigayunon nga post mortem examination.
Ginapatiihan naman nga away sa lupa ang motibo sang nasambit nga insidente.