Mangunguma naghikog matapos nga gintiro ang sa talinga ang iya asawa.

Patay na sang masapwan ang isa ka mangunguma matapos makit-an nga nagabitay sa isa ka balay pasado alas 10:00 sang nagligad nga gab-i sa Purok Rizal, Barangay Talahik, Surallah, South Cotabato.
Ginkilala ang biktima kay Dionisio Dumala Basil alias Minis, 49anyos, may asawa, mangunguma residente sang Sitio Blakang sa nasambit nga Barangay.
Suno sa imbestigasyon bag-o nagluntad ang insidente, gintiro suno pa sang suspek ang iya asawa nga ginkilala kay Emma Bansawan Basil, 40anyos, residente sang nasambit nga lugar gamit ang wala natumod nga armas sa diin nakakas ang tuo nga talinga sang iya asawa.
Madasig naman nga gindala sa ospital ang biktima bangud sa naangkon sini nga pilas tuga sang pagpangluthang sang iya bana.
Samtang nagpalagyo naman ang suspek matapos mahimo ang krimen sa wala nahibaluan nga padulungan bitbit ang gingamit nga armas.
Nahibaluan na lang ang destinasyon sang suspek, sang makabaton sang impormasyon ang Surallah MPS nga may naghikog sa Purok Rizal, Barangay Talahik sa nasambit nga Banwa sa balay nga ginapanag-iyahan ni Nicolas Dumala.
Kaangot sini ginpahayag ni Police Chief Inspector Jardimont Sibal, Hepe sang Surallah MPS nga posibli away mag-asawa ang hinungdan kun ngaa gintiro sang suspek ang iya asawa.
Dugang pa nya wala sang natabo nga foul play sa insidente kag ginapatihan naman nga may problema sa panghuna-huna ang suspek.

Facebook Comments