Patay ang isa ka persona, matapos nga lab-on sa Sitio Lubol Brgy Upper Sepaka, Surallah, South Cotabato nga ginreport sa Surallah MPS ang insidente alas 6:50 kahapon sang aga, MArso 15, 2021.
Ginkilala ang biktima kay Romeo Pacheco Alias Bobong, 40-anyos, residente sang Bagumbayan, Sultan Kudarat kag ang suspek ang ginkilala kay Jojo Minasag,19-anyos single, mangunguma kag residente sang Sitio Salaubon, Brgy. Upper Sepaka, Surallah, South Cotabato.
Sa imbestigasyon sang Surallah MPS ang biktima kag suspek ang nagainom-inom sa sang may nagluntad nga mainit nga pagbaisanay sa tunga sang duha nga nangin rason sang pagpanglabo.
Resulta nakaangkon sang pilas sa guya, ulo, kamot, tiil kag tyan ang biktima nga nangin tunaan sang iya hinali nga kamatayon.
Gilayon naman nga nagpalagyo ang suspek matapos mahimo ang krimen dala ang gingamit nga matalom nga butang.
Samtang madugay naman nga wala pag-intiendihanay sang duha ang motibo sa nasambit nga insidente.
Sa subong padayon ang imbestigasyon kag follow operation sang Surallah MPS sa insidente.
