Mangunguma patay sa pagpangluthang.

Dead on the spot ang isa ka mangunguma matapos nga luthangon sang kapareho man nga mangunguma, pasado alas 8:30 sang nagligad nga gab-i sa Prk. Quirino, Brgy. Talahik, Surallah, South Cotabato.
Ginkilala ang biktima kay Ely Angkon, 48-anyos, kasado, kag residente sang Sitio Upper talahik. Brgy. Talahik, Suralla, South cotabato, samtang ginkilala naman ang ginaaligar nga suspek kay Joseph M. Sotomil, 38-anyos, kasado, mangunguma, kag residente sang nasambit man nga lugar.
Naggwa sa imbestigasyon sang Surallah Pnp nga bag-o pa natabo ang insidente, nagainom-inom suno pa ang suspek kaupod ang iya mga himata sa balay ni Julio Hipolito Jr., sang nag-abot ang biktima kag nag-intra man inom sa grupo.
Makalabay ang pipila ka minuto hinali nga ginbunot sang suspek ang iya armas luthang kag gintiro ang biktima sa wala nahibaluan nga rason.
Bangud sa insidente, nakaangkon sang igo ang biktima sa iya ulo kag dughan nga nangin tunaan sang hinali sini nga kamatayon.
Gilayon naman nga nagpalagyo ang suspek sa wala nahibaluan nga direksyon matapos mahimo ang krimen.
Samtang ginadudahan naman nga anay away sa tunga sang biktima kag suspek ang ginatutukan nga motibo sa insidente.