Mangunguma Pilason sa Pagpangluthang sa Koronadal

Pilason ang isa ka mangunguma matapos tiruhon sang wala nakilal-an nga mga suspetsado pasado alas 7:30 kagab-i sa Purok Camia, Barangay New Pangasinan, Syudad sang Koronadal
Ginkilala ang biktima kay Pedro Beltran Cortado Jr, 38anyos, mangunguma kag residente sang nasambit nga lugar.

Sa imbestigasyon sang Koronadal City PNP, nagpundo suno pa ang isa ka XRM nga motorsiklo, nagaduag sang itom, wala sang plaka, sa atubang sang tyanggi nga ginapanag-iyahan sang biktima sakay ang duha ka suspetsado
Nagpanaog suno pa ang angkas nga suspek kag nagbakal sang isa ka bote sang makahulubog nga ilimnon sa biktima, apang sang ihatag na ang ginbakal nga ilimnon, hinali suno pa nagbunot sang calibre 45 ang suspek kag gintiro ang biktima sang makaapat ka beses
Bisan pilason, natinguha pa sang biktima nga makapalagyo sa suspek.
Madasig naman nagpalagyo ang mga suspek sakay sa get away vehicle padulong sa Purok Ilang-ilang sa nasambit nga Barangay.
Samtang madasig naman nga gindala ang bitkima sa ospital para madapatan sang nagakaigo nga medikasyon bangud sa naangkon nga pilas sa iya sini dughan.
Sa interview sang RMN Koronadal kay P/Supt Ronald Allan PeΓ±averde, hepe sang Koronadal City PNP, padayon pa ang pagpangusisa sa insidente ilabi sa motibo kag identity sang mga suspek.
Sang nagligad lang nga semana isa man ang patay sa nagluntad nga pagpangluthang sa nasambit nga Barangay.

Facebook Comments