Davao City- Padayon ang paggukod sa kapulisan sa suspek sa pagpatay sa 6 anyos nga batang lalaki sa Riverside, Phase 1, Batulosa, Brgy. Bangkas Heights, Toril, Davao City.
Sa interbyu sa RMN Davao kang Davao City Police Office (DCPO) Director Police Col. Kirby John Kraft, aduna na silay identification sa suspek ug kini maoy gitutukan sa tracker team sa kaso.
“Hinahanap pa natin, hindi kasi on the spot na-ireport sa kapulisan pagkakita sa bata. May panahon na siya na nakaalis, nakatakas at nakatago,” matud niini.
Sumala ni Kraft kinahanglan usab ma-determinar kung aduna ba gyuy mental disorder ang suspek.
Gibutyag ni Kraft nakignegosasyon ang kapulisan ngadto sa pamilya sa suspetsado.
Nidumili si Kraft, sa pagbutyag sa pangalan sa suspek tungod adunay pay mga technicalities sa kaso nga ilahang ginaestablisar sa nahitabong krimen.
Sumala sa SOCO nakahiagom og daghang samad dinunggaban ang biktima nga gilantaw nga hinungdan sa pagkamatay niini.
Sa laing interbyu sa DXDC, hustisya ang singgit sa pamilya sa batang biktima kinsa igo lang nananghid nga maligo og ulan apan wala na kini nakabalik nga buhi.
RadyoMaN Aimee Guinita
