Sa Facebook post ni BJ Penn, veteran MMA fighter, iya nga gi- share ang post ni Manny Pacquaio sa Instagram nga daw nagpa dungog-dungog nga siya ang mahimong sunod nga maka sangka ni McGregor ug kini nagpa sabot nga sa boxing mo away ang Irishman ug dili sa MMA.
Ang caption ni Pacquaio sa Instagram post niya ngadto sa picture ni McGregor nag-ingon; “Happy Thanksgiving!” “Stay fit my friend. #realboxingmatch #2018.”
Posible kuno kining mahitabo nga away pero sa karon mura ug “wishful thinking” ni sa habig ni Pacquaio ug ang iyang team. Magpabilin kini hinuon nga kulbahinam kung mahitabo man gyud.
Kung atong mahinumduman gi-pildi ni Pacquaio si Timothy Bradley ug Jessie Vargas apan na pildi kini batok ni Jeff Horn sa ilang match didto sa Brisbane, Australia.
Si Conor Mcgregor na pildi sab ni Floyd Mayweather sa away nga gi-isip nga, “Fight of the Century”.
Idol, uyon ka bang mag kita sa boxing ring si Manny Pacquaio ug Conor McGregor?
PHOTO CREDIT: BJ Penn Facebook
