Mano contra mano

Porcausa solamente na T-shirt que es uniporme del maga empleyao de govierno, un 50-anios de edad persona ya lancia qui lancia consu hermano menor cuantos hora antede cambia el nuevo anion a Carillo Compound, Sta. Maria.
Con el victima ya conose como si Erwin Gregorio, 40 anios de edad mientras con el suspechao ya nombra como si Allan Gregorio, 50, anios de edad ambos casao y del mencionao lugar.
El vitima si Erwin ya sostene tres hondo lanciada na cuerpo y bien grabe el condition y ta esta pa admitido na hospital.
Asegun na report, banda alas 8 del noche cuando ya tene agaran de palabra el dos man hermano despues si Erwin ta manda desnuda con Allan el T-shirt uniporme de gobierno que asegun ya dale lang con Erwin el diila pariente quien tiene conneccion na gobierno local.
Pero nohay conforma si Allan para desnuda con el mencionao T-shirt y porcausa ambos sila dos tomao ya aquel tiempo, ya saca asegun puniete si Erwin y ya empesa sopla qui sopla con Allan na cabesa.
Ta corre ya asegun si Allan mientras irido ya su cabesa pero ta continua pa asegun si Erwin sopla conele hasta ya tene le que saca cuchilio de cusina y lancia por tres beses na cuerpo con Erwin.
Con Allan ya aresta el maga pulis y ya detene na estacion del Sta. Maria y bien aripintidio le con el cosa le ya puede hace consu hermano menor.