Kalibo, Aklan – Arestado it mga kapulisan rong sangka manugbaligya it eambong sa Metro Manila kaina it aga-aga sa Veterans Avenue St., Poblacion, Kalibo.
Rong suspek nakilaea kay Romeo Hilaga, 52-anyos ag temporaryo nga naga dayon sa nasambit nga lugar.
Gin aresto si Hilaga matapos nga may natabong drug transaction sa guwa it anang nadayunan.
Nahabakean ra imaw it sangka sachet it suspected shabu kabaylo kung P 2,000.00 nga buy-bust money.
Samtang, nasayuran rayang suspek nga may daeang sling bag nga ginapatihan dikato nakasueod ro iba pang paraphernalia ugaling gintago raya ko anang igmanghod nga si Letecia Hilaga.
Pero sa pag-usisa it mga kapulisan ana man raya nga ginpresenta pero gin ako na nga gibukad na ag ginbuoe ro ibang gamit.
Aminado man rong suspek nga naga gamit it droga pero ginpamalibaran rong pagbaligya.
Nasayuran nga naga uli eamang kada ati-atihan rong suspek sa Kalibo ag kahapon daya nag-abot kaibahan ro anang manghod ag gumankon.
Sa makaron kulong si Hilaga sa Kalibo PNP ag magapangatubang it kasong pagbayolar sa RA 9165 ukon Comprehensive Dangerous Drug Act of 2002.
