Cuartero, Capiz – Patay ang 45-anyos nga biktima nga ginkilala kay Eduardo Candido y Mateo sang San Remegio, Antique matapos ini ang ginluthang sang kaupdanan sa trabaho sa isa ka piggery nga nahamtang sa Brgy Agdahon banwa sang Cuartero.
Alas 10 sang gab-i, magkaupod nga naga-inom ang biktima kag suspek nga nakilala kay Johnny Leilla y Defacto, 22-anyos sang Janioay, Iloilo sang nagluntad ang pagsabtanay sa tunga sang mga ini.
Insigida nga nagkuha sang 12-gauge shotgun ang amo nga suspek kag gilayon nga ginluthang ang biktima.
Nag-angkon sang patal nga pilas sa tiyan kag baba si Candido nga gintunaan sang gilayon sini nga kamatayon.
Facebook Comments
