Gin-agawan sang motorsiklo ang isa ka manunudlo sa Purok 11-C, Brgy. Poblacion, Tupi, South Cotabato, alas 2:55 sang hapon, kahapon nga adlaw, Hulyo 14, 2021.
Ginkilala ang biktima kay Rikkilyn Penecilla Arellano, 25-anyos kag residente sang Brgy. Acmonan, Tupi, South Cotabato.
Base sa imbestigasyon sang Tupi MPS, papauli na ang biktima sakay sa iya Suzuki Raider 150, color red, may temporary plate number 1201-535807 sang nagpondo ini agud hatagan sang dalan ang padulong nga Bajaj motorsiklo nga sakay ang tatlo ka mga wala nakilal-an nga mga suspek.
Apang isa sa suspek nga sakay sa Bajaj motorsiklo ang nanaug kag gintutukan sang armas luthang ang biktima subong man ginsumbag kag ginkuha ang motorsiklo sini nga gilayon man nga nagsibat padulong sa direksyon sang Koronadal City.
Sa subong padayon ang imbestigasyon sang Tupi MPS para sa pagkilala sa mga suspek.
