Davao City – Wala magkulang sa pagpahinumdum ang Davao City Police Office (DCPO) ngadto sa ilang mga ginsakpan nga likayan gayud ang pag-inum nga malagmit moresulta sa pagpabuto sa armas sama sa nahitabo sa dihang nag-away sa iyang ka live-in partner ang usaka PO1 Glonard Maneja, miyembro sa Mobile Patrol Group – Davao City Police Office (MPG-DCPO).
Sumala ni Police Senior Supt. Alexander Tagum, Davao City Police Office Director, ikaduha na kini ka higayon nga adunay sakop sa PNP nga naghimo og dili maayo nga makadaut sa ilang imahe sa ilang han-ay.
Tungod niini, giklaro sa DCPO City Director nga dili nila kini i-tolerate ug nga adunay silot nga ipahamtang ngadto sa erring cop diin mosangpot sa iyang pagka taktak sa panerbisyo.
Nanawagan usab ang hefe sa kapulisan sa Davao ngadto sa uban pang mga pulis nga dili maghimo og binuang aron dili mawad-an og trabaho.
RadyoMaN Bernard Pantallon
