CAPIZ – Ginbawian sang kabuhi ang duha ka mga persona matapos malumos sa separado nga lugar sa probinsya sang Capiz. Patay ang 25-anyos nga lalaki matapos nalumos alas 8:30 kagab-i sa Tabuc Sur, Panit-an, Capiz. Ginkilala ang biktima kay John Rey Tumabiene, tumandok sang nasambit nga lugar.
Nahibaluan nga hubog ang amo nga biktima sang nadanlog sa pilapil rasun nga nalumos ini. Samtang isa man ka bangaky ang nasapwan alas 4:00 kahapon sang hapon sa Brgy. Sublangon banwa sang Pontevedra. Suno kay PO1 Altamia, imbestigador sang Pontevedra PNP, ginkilala ang biktima kay Ruperto Flores, 80-anyos kag residente sang nasambit nga lugar.
Base sa inisyal nga imbestigasyon, ulihi nga nakit-an ang biktima kahapon alas 6:00 sang aga. Ginapatihan nga nalumos ang biktima, apang ginahibalo pa sang mga kapulisan kon may foul play sa kamatayon sini. Ginatun-an pa sang PDRRMO kon malakip ang mga ini sa kaswalidad tuga sang pagpanalasa ni Bagyong Agaton.
