Nagapatigayon eon it Mapping ag Clearing operation ro mga taga Bureau of Fire Protection Boracay kaibahan do mga rescue groups sa natabong sunog sa D’Talipapa Boracay Station 2 makaron nga agahon.
Haeos sipot gid ro tanan ka mga establisyemento sa suoed it nasambit nga lugar mag eowas sa tatlong ka grocery store ag sambilog nga laundry shop.
Hapatay eon man do mabaskog nga kaeayo matapos ro pilang oras nga pagbinomba it tubi ko mga nagrespondeng mga bombero it BFP Boracay, BAG ag daywang ka fire truck nga halin pa sa mainland Malay.
Gina secure eon makaron do lugar para mapatay ro mga nabilin nga baga agod nga indi eon mauman nga magdaba-daba pa.
Nasayuran nga kaibahan sa mga nasunog hay mga boardinghouse, ag daywa ka fast food chain.
Samtang indi pa mabanta kung pila ro danyos sa mabahoe nga sunog nga natabo sa isla it Boracay.
