Sa interview sa DXDC RMN Davao kang Police Major Ariel Pascual, hepe sa Maragusan MPS, iyang giangkon nga wala sila magtuo nga mahitabo kini nga krimen ilabi na nga naningkamot sila nga zero incident ang munisipalidad.
“Wala sad namo gi-tolerate ni. Dapat makuha gyud namo ni [suspect]. Kami nahisubo mi regarding sa issue karon ilabi na nga bata pa gyud ang biktima. Kami sa kapulisan, naningkamot gyud mi nga pwede palang, zero incident. Pero naay mga dili nato kontrol katulad ng nahitabo karon,” matud ni Pascual.
Gahapon, gibutyag sa pulis nga anaa na sa ilang kostudiya ang suspect nga si Cristobal Traña human nadakpan sa follow-up operation.
Sa karon, paningkamutan sa Maragusan PNP nga dili na mausab pa ang susamang krimen ug mapabiling hapsay ug malinawon ang lugar.
RadyoMaN Ivy Parido
