Nakuha sang mga operatiba sang PDEA Region Office 6 ang 14 ka puno sang tanom nga marijuana kag lata nga nagaunod sang laya nga dahon kag liso sini nga ginabanta nagabug-at sang 300 grams kag nagabalor sang kapin P100,000 sa balay sang US citizen nga ginkilala kay Ryan C. Roxas sa Brgy. Iprog, San Enrique, Iloilo.
Ginserbe sang PDEA ang search warrant sa panimalay ni Roxas alas 9:30 kaina sang aga sa pagpanguna ni PDEA Agent Yola May Tembrevilla sa bulig sang impormasyon halin sa National Intelligence Coordinating Agency (NICA) Region 6 and 7.
Pasaka-an sang kaso nga paglapas sa Sections 11 and 16, Article 11 sang R.A. 9165 ang dumulo-ong nga si Roxas.
Facebook Comments
