General Santos City—sikop sa operatiba sa PDEA Regional Office-12, Banga Municipal Police Station ug Banga MADAC ang usa ka estudyante gumikan sa pagpamaligya ug Marijuana atol sa gihimong operasyon sa Purok 3, Brgy. San Vicente, Banga, South Cotabato 2:30 sa hapon niadtong nakalabayng adlaw.
Giila ang suspek nga si Lourence Anthony Ranes Alias L.A. 22 anyos, estudyante ug residenti sa nasangpit nga barangay.
Nakuha sa posisyon sa suspek ang mga pinaugang dahon sa marijuana nga nagkantidad ug kapin P400.00, ingon man ang marked money nga P500.00. subay sa report sa PDEA nga apil sa ilang Drug Watchlist ang nasangpit nga suspek.
Kasong kalapasan sa Section 5 (Sale of Illegal Drugs) ug Section 11 (Possession of Dangerous Drugs), Article II sa R.A 9165 (Comprehensive Dangerous Drugs Act of 2002) ang atubangon sa suspek.
(Photo Credit to PDEA-12)
