Gisuspenso una sa Maritime Industry Authority-7 ang biyahe sa barko nga M/V Georich sa George and Peter Lines Inc. human kini nakasugat ug aberiya sa kadagatan sa lungsod sa Dalaguete sa habagatang bahin sa Sugbu .
Ang tigpamaba sa MARINA-7 nga si Atty. Jose Cabatingan nibutyag nga giisyuhan nila ug notisya alang sa pagsuspenso sa Passenger Safety Certificate ang barko ug di tugtan nga makabiyahe ug balik hangtud nga mopasar kini sa ilang reinspection .
Ang M/V Georich adunay sakay nga kapin sa 200 ka pasahero gikan sa Dapitan City sa Zamboanga ug mopaingon na dinhi sa dakbayan sa Sugbu , apan natanggong ug halos 12 ka oras sa kadagatan sa Dalaguete human nakasubat ug engine trouble .
Facebook Comments
