Maritime Agencies gisukod ang kaandam ug kahanas sa Maritime Inter-Agency Exercise

Davao City- Gisulayan ang koordinasyon ug kaandam sa mga ahensyang nipartisipar sa Maritime Inter-Agency Exercise 2023-02 nga gipanguluhan sa Philippine Navy sa Mati City, Davao Oriental Port, kagahapong adlawa, Nobyembre 23. 2023.

Sa interbyu sa DXDC RMN Davao kang LCDR Jerome Bryan Mauring, Naval Forces Eastern Mindanao Public Information Officer, pinaagi sa maong pagbansay maimprobar nila ang koordinasyon ug inter-operability sa pagbantay sa kadagatan uban ang mga nagkadaiyang maritime agencies sa atubangong hagit diha sa mga maritime threats.

Ang highlight sa maritime exercise, ang mock scenario diin gisulayan og palusot sa mga sakop sa Communist Terrorist Group (CTG) nga Guerilla Front 18 ang mga armas.

Girespondehan kini sa mga awtoridad aron mapugngan ang insidente.

Nagmalampuson ang exercise nga gilangkuban sa NFEM OPCON/TACON units, Joint Task Force Agila, 66th Infantry Battalion, Coast Guard District South-Eastern Mindanao, Philippine National Police Regional Maritime Unit, Bureau of Fisheries and Aquatic Resources, Bureau of Customs, Mati PNP ug Mati City Disaster Risk Reduction and Management Office.

RadyoMaN Aimee Guinita