Pagadian City – Patay nang napalgan nga naglutaw sa tubig ang 35 anyos nga lalaking market vendor human kining gitoohang nahagbong sa tulay nga sakop sa Barangay Dumagoc ning syudad sa Pagadian.
Alas 2:30 kagahapon sa hapon nadiskrobehan sa mga residente sa maong lugar ang biktima nga si Rodel Damona Casing, residente sa Purok New Agora, Brgy. Santa Lucia, ning dakbayan nga naglutaw na ilalom sa tulay nga sakop sa Brgy. Dumagoc.
Sa imbestigasyon nasayran nga niadtong sabado sa gabii dunay panaglalis ang biktima ug ang iyang inahan diin gumikan sa ilang wala pagsinabtanay nagdumili na pagpauli ang biktima.
Nakugang nalang ang iyang inahan dihang napalgan na kining patay nga naglutaw sa tubig ug dili na gani masingo ang baho.
Anaa na sa purinarya ning syudad ang patay nga lawas sa biktima samtang nagpadayon ang imbestigasyon sa kapulisan aron masuta ang tinuoray nga hinungdan sa kamatayon sa biktima.
