Marlon Casquejo, gin appoint bilang bag-ong COMELEC commissioner

Kalibo, Aklan — Gin-appoint ni Pangueong Rodrigo Duterte bilang bag-ong commissioner it Commission on Elections (COMELEC) si Marlon Casquejo.
Si Casquejo ro magabueos sa gin aywang pwesto ni Christian Robert Lim nga nagretiro eon ko Pebrero.
Suno sa Malacañang, Hunyo 18 ginpermahan it pangueo ro appointment paper ni Casquejo.
Bago raya, nagserbe man si Casquejo bilang assistant regional election director it COMELEC-Davao.
Sa makaron hay naga usoy pa si Pangueong Duterte it sambilog pang bag-ong COMELEC commissioner nga magabaylo kay Arthur Lim nga nagtapos man ko anang termino ko Pebrero.