Martial law dili makapugong sa Kadayawan Festival

164

Davao City- Dili makabalda ang nagpadayon nga implementasyon sa Martial Law sa tibuok Mindanao sa umaabot nga selebrasyon sa ika-32nd Kadayawan Festival sa siyudad sa dabaw karong buwan sa Agosto.

Giingon ni Davao City Mayor Inday Sarah Duterte-Carpio, ma-anaa man o walay Balaod Militar magpadayon ang matag tuig nga kasaulugan sa Kadayawan Festival sa dakbayan sa sunod bulan.

Suma sa Mayor, ginahitsas na sa security forces ang plano alang sa mas hugot nga seguridad aron masiguro nga luwas ang tanang kalikuhan sa pagsaulog sa Kadayawan.
Gilauman pa niini, nga usa ka mabulukon og dako nga selebrasyon ang masaksihan sa mga Dabawenyo nga giapilan sa mga pribadong sector isip mga partners sa lokal nga kagamhanan.
Gipangunahan ni Mayor Inday Sarah ang 32nd Kadayawan Festival Launching nga gipahigayon sa usa ka hotel dinhi sa siyudad karon lamang hapon.
Dungan niini, gipresentar usab ang onse ka tribo sa Davao City nga maoy gipahinunguran sa selebrasyon uban sa pagsapubliko sa opisyal nga kadayawan logo ug jingle nga gi-compose sa sikat nga singer nga si Joey Ayala.
Ang Kadayawan Festival karong tuiga, pagadumalahon sa Davao City Chambers of Commerce and Industry Incorporated.


Kasamang Joel Viray

Facebook Comments