Desfues del cuatro hora deliberaccion enantes aga, ambos el Senado y Congreso ya decidi para extende por un año con el implementaccion del martial law aqui na Mindanao.
Asegun con el congresista Celso Lobregat del Ciudad de Zamboanga, na boto de 240-27 mayoriya dle mga myembros del Kamara el ya bota afavor coneste proposito, con el justificaccion cay hinde pa totalmente eradicao el problema de rebelyon aqui na rehiyon del Mindanao. Por parte del Senado, 14 afavor mientras cuatro el contra na extension del martial law.
Durante el deliberascion, chene Tambien mga lehislador el ya questiona con el mensyonao proposisyon, ablando cay ya termina ya el guerra na Marawi, y no cumbiene mas usa coneste como rason el otoridad para continua el diila mga ofensiva.
Si Lobregat ya vota afavor con el rason que el acto de terorismo hinde lang na otro mga lugar, sin embargo, grande posibilidad que hay man resbak estos y crea gulo na rehiyon del Mindanao.- Bhong Simbajon/RMN News
