Davao City – Dili sayon ang pagwagtang sa gideklarang Martial Law sa Mindanao bisan pa og napatay na ang duha ka mga tag-as nga leader sa teroristang grupo nga sila si Isnilon Hapilon ug Omar Maute sa Marawi City.
Sumala ni Police Regional Office (PRO-XI) spokesperson Police Chief Inspector Andrea dela Cerna, hangtod nga dili pa maklaro ang tanan nga luwas na ang Mindanao sa bisan unsang hulga sa terorismo ug uban pa ayha pa wagtangon ang balaud militar.
Samtang giklaro usab ni dela Cerna, hangtod dili wagtangon ang balaud militar sa Mindanao, nagpasabot lamang nga duna pay hulga sa terorismo ug usa na niini ang giingong terror spillover.
Sa hut-ong sa militar, gisulti ni Eastern Mindanao Command (EASTMINCOM) spokesman Maj. Ezra Balagtey, wagtangon una ang martial law ug kinahanglan dunay himoong konsultasyon sa nagkadaiyang sektor aron masayran ang tinuod nga kahimtang una pa magdesisyon nga walaon na ang balaud militar.
RadyoMan Bernard Pantallon
