BACOLOD CITY – Suportado sang business sector ang ginpatuman nga Martial Law sa Mindanao.
Ini ang ginkumpermar ni Metro Bacolod Chamber of Commerce And Industry ukon MBCCI President Frank Carbon matapos nga naistorya sini ang ila mga business partners sa Mindanao particular sa Marawi City.
Suno kay Carbon , nga positibo ang panglantaw sang business sector sa Marawi City, sa Martial Law nga ginpatuman ni Presidente Rodrigo Duterte, bangud luyag man nila sini nga matuldokan na ang terorismo sang mga Mauti Group kag iban pa nga mga rebelding grupo nga nakatublag sa kalinong kag katawhayan sa Mindanao.
Samtang Nagalaum naman si Carbon ,nga indi na magalawig ang problema sa Marawi City, agud magabalik na sa normal ang situasyon sang negosyon sa Mindanao.
Nahibaluan nga indi naman apektado ang negosyo sa probinsya bangud madamo gihapon ang nagapadulong nga mga pasahero sa Bacolod City.
