Ya alcansa mas de 2 million de peso shabu ya pwede confisca el maga pulis con el tres maga mojer na dos separao operacion del Miercoles.
Alas 4 del tarde cuando maga pulis del Tetuan Police Station ya conduci buy-bust operation na San Jose Gusu donde ya resulta na aresto di canda Romel Samoa y Abdurajak, 30 y si Morgana Almirante y Nasser, 21.
Maga pulis ya confisca desde canila shabu balor de 1.7 miliones de peso.
El otro operacion ya conduci amo na Lumbangan.
El operacion ya encabesa el maga pulis del Divisoria Police Station que ya resulta na aresto di Sahipa Jimlah, 60, pic operator.
Maga pulis ya confisca conele shabu balor de P350,000.
Todol maga arestao ya entra na calaboso pendiente el plantada de caso na corte.–Dan Toribio
Facebook Comments
