Malaybalay City, Bukidnon – Nag-una ang kampanya batok sa illegal nga droga sa listahan sa prayoridad sa kapulisan.
Sa interview sa RMN Malaybalay ngadto kang PSI Jiselle Ester Lou Longakit ang tigpamaba sa PNP Provincial Command gibutyag niini nga apil usab sa ilang prayoridad ang anti terrorism campaign ug ang anti-criminality campaign nga naglangkob sa index ug non-index crime.
Base sa datos sa PNP misaka ang kaso sa pagpangarnap sa Bukidnon nga gisundan sa kawat ug pagpanulis ilabina sa mga dakbayan sa Malaybalay ug Valencia ug lungsod sa Maramag.
Samtang nagpahimangno ang hepe sa Valencia City Police Station nga daghan pang anti illegal drugs ang ilang mapahigayon.
Sa interview sa RMN ngadto kang PSUPT Al Abanales ang hepe sa Valencia City PNP gibutyag niini nga mas pahugtan nila ang paghimo ug mga buy-bust operation ug pagsilbi sa mga warrant of arrest batok sa mga tawong nalambigit sa illegal nga droga.
Nasayran nga ning nakalabay nga adlaw lang daghan na ang ilang gihimong operasyon.
