Dos sientos desi-siete antes myembros del rebelde New Peoples Army (NPA) el viaja libre para na Metro Manila por el mandato del Presidente Rodrigo Duterte.
Na report del Western Mindanao Command, estos mga rebelde hay munta con el C-130 cargo plane del Tactical Operations Group XI del Philippine Air Force este dia, donde luego denoche hay man junto canila el presidente Duterte pormedio del un sena na mismo palasyo de Malacañang.
Lo mismo hay chene tambien sila el educational tour na mismo palasyo, na Intramuros,y na losdemas pa maga historical landmarks na Metro Manila.
Fuera de este, el TESDA hay lleva tambien canila para na mushoroom production farms na Bulacan ala mañana para obtene el idea quilaya progresa el diila la vida pormedio del buen la vida y hinde na cargada del armas para pelya contra con el govierno. – *Bhong Simbajon/RMN News*
