Maga pulis del Intelligence Section del City Police Office y Anti-Vice Section ya encabesa si Supt. Edilberto Alvarez ya confisca mas de un quilo de shabu desde con dos maga mojer de edad miembro del un local drug group durante el buy-bust operation na Veterans Avenue del Martes por la noche.
El maga arestao amo canda *Hadji Sitti Jalaidi y Bairulla,* 60, viuda, negocianta, de Talon-Talon y si *Norma Awod y Ambani, *63, negocianta tambien, de Cawit.
Si Jalaidi leader asegun del Karanain Drug Group na lista del Data Base del maga otoridad.
Maga pulis ya confisca desde na diila posecion el un quilo y cuatro otro maga regular grandor paquete todo ta contene shabu. P6,000 marked money, cell phone y diila Innova vejiculo.
Con el maga arestao ya detene na estacion del pulis mientras el maga confiscao shabu ya entrega ya na crime laboratory.
