Masobra sa 27 million ka mga estudyante ang magabalik eskwela subong nga school year suno sa Department of Education.
Lakip na diri ang kindergarten level, elementary, high school kag senior high school.
Suno sa DepEd, para sa school year 2018-2019, yara sa 27,757,546 ka mga estudyante ang ginalauman nga magabalik eskwela.
Pinakadamo sa mga enrollees ang gikan sa grade one tubtob grade 6 nga may rehistro nga 12,663,690 sa mga public school.
Ginsundan naman ini sang grades seven to ten nga yara sa 6,711,367.
Samtang ang senior high school naman nga grades 11 kag 12 ang may numero nga 1,451,267.
14.9% ukon 4 million lang sa mga estudyante ang nag-enroll sa private school. – RCSG / iFM News Bacolod
Facebook Comments
