Sarangani Province- Sugdan nang ipatuman sa E-CLIP kon Enhanced Comprehensive Local Integration Program sa probinsya sa Sarangani ang mas gipadak-an nga mga benipisyo alang sa mga anaa sa walhong grupo nga gusto nang mubalik sa sabakan sa gobyerno.
Segun ni Ms. Lizet Lopez, ang focal person sa E-CLIP Sarangani ubos sa Sulong Kapayapaan program ni Governor Steve Chiongbian Solon, kadtong nanurender nga mga rebelde gikan Abril 3 karong tuiga 2018 ang maoy maka-benipisyo sa bag-ong package sa E-CLIP national benefits.
Tulo (3) ka adlaw matud pa silang gitigum didto sa kauluhang Maynila niaging semana gipatawag ni DILG Secretary Eduardo Año aron pormal nga matagaan og briefing sa pagpatuman sa joint implementing guidelines sa DILG og Department of National Defense.
Gikalipay ni Lopez nga kumpleto nga nitambong sa Maynila ang naglangkob sa E-CLIP Sarangani sa pagpanguna ni Governor Solon kauban sila PNP Provincial Director Col. Abul Kyr Macalangcom, 1002nd Brigade Philippine Army Commander Brigadier General Roberto Ancan, og DILG Provincial Director Atty. Rochelle Mahinay-Sero.
