Mas pinabilis na proseso ng Muntinlupa ang mga serbisyo nito partikular sa traffic management, sa pamamagitan ng pag-uugnay ng database nito sa Land Transportation Office (LTO) ng bansa.
Inaprubahan kamakailan ng Sangguniang Panlungsod ang Resolution 2023-228 na pumasok sa isang kasunduan sa pagbabahagi ng data sa LTO, upang mapadali ang mabilis na pagproseso ng lisensya at pagpaparehistro ng sasakyan at mga aplikasyon.
Ayon kay Mayor Ruffy Biazon, sa ganitong paraan umaasa silang mabawasan ang oras ng paghihintay at pagproseso ng mga mamamayan at maging mas produktibo at masulit ang kanilang pakikipag-ugnayan sa mga lokal at pambansang ahensya ng pamahalaan.
Matatandaan kamakailan ay inaprubahan din ng Muntinlupa ang Ordinance 2023-055, pormal na pinagtibay ang Single Ticketing System at Metro Manila Traffic Code na pinagtibay ng Metro Manila Development Authority (MMDA).
