General Santos City–Gihingusgan ni Police Chief Director General Oscar Albayalde atol sa paghidangat niini sa Koronadal City kagahapong adlawa nga kinahanglan na gyud nga dungagan ang augmentation sa kapulisan sa Koronadal human sa nahitabong pagbusikad sa IED kilid sa dakong simbahan niadtong Domingo.
Sumala niini nga kinahanglan nga mas palig-unon pa sa kapulisan sa South Cotabato ang Police visibility ingon man ang pagpahigayon ug Oplan sita ug Check point.
Nasayran nga kagahapon sa hapon, personal nga giinspection sa labaw sa kapulisan sa nasud ang explosion site sa kilid sa simbahang Katoliko sa Koronadal ingon ang ang 747 Store hain nakaplagan ang laing IED.
Samtang gihangyo usab ni PNP Chief Director Albayalde ang mga katawhan nga ireport sa mga ground commander higayon nga walay pulis sa mga check point sa ilang lugar.
Higayon nga dili muaksyonang ground commander i-report ngadto sa mga Provincial, city ug regional director aron nga maaksyunan.
Apan kung magpabungol bungol gihapon ang mga nasangpit nan ireport na kini ngadto kaniya tungod iyang iyang patubagon ang opisyal nga wala naghimo sa ilang tahas.
