CAUAYAN CITY – MULING NAGPAALALA ANG POLICE REGIONAL OFFICE 2 (PRO2) SA PUBLIKO NA PAIIGTINGIN PA ANG KAMPANYA LABAN SA KRIMINALIDAD AT MGA ILEGAL NA AKTIBIDAD SA BUONG LAMBAK NG CAGAYAN.
KABILANG SA MGA PANGUNAHING TUTUTUKAN AY ANG ILEGAL NA PAGMIMINA, SUGAL, PAGPUTOL NG PUNO, AT BENTAHAN NG IPINAGBABAWAL NA GAMOT.
AYON SA PAMUNUAN NG PRO2, TULOY-TULOY ANG MGA ISINASAGAWANG OPERASYON TULAD NG SIMULTANEOUS ANTI-CRIMINALITY AND LAW ENFORCEMENT OPERATIONS (SACLEO) UPANG MAPIGILAN ANG MGA PAGLABAG SA BATAS AT MAPANATILI ANG KAPAYAPAAN SA REHIYON.
MARIING IPINAPAALALA NA WALANG SINUMAN, KABILANG NA ANG MGA KAWANI NG GOBYERNO AT KAPULISAN, ANG LIGTAS SA BATAS. ANG SINUMANG MAPATUTUNAYANG SANGKOT SA ILEGAL NA AKTIBIDAD AY AGAD AARESTUHIN AT KAKASUHAN.
BAHAGI ITO NG PAGPAPATUPAD NG “NO TAKE POLICY” NA LAYUNING MAPANATILI ANG KATAPATAN AT KREDIBILIDAD NG SERBISYO PUBLIKO. NANAWAGAN ANG PRO2 SA PUBLIKO NA MAKIPAGTULUNGAN AT I-REPORT AGAD ANG ANUMANG KAHINA-HINALANG GAWAIN UPANG TULUYANG MAPUTOL ANG UGAT NG KRIMINALIDAD SA REHIYON.
