General Santos City–Nakatakdang magpagawas ug executive order ang lokal nga panggamhanan sa dakbayan karong semanaha mahitungod sa non-essential travel tungod sa mga natalang local transmission sa mga kasikbit nga lugar.
Sumala kang Gensan City Mayor Ronnel Rivera nga gina-formulate pa sa local IATF ang mamahimong unod sa maong EO apan ginakonsidera na ang pagpahugot sa border sa Gensan.
Higayon matud pa nga mugawas ang executive order sa probinsya sa South Cotabato, ilaha kining tun-an ug suportahan. Sa karon, ang direksyon sa syudad mao ang pagbalik sa uno sama sa implementasyon sa EO #11.
Dugang pamahayag ni Mayor Rivera nga higayon nga i-implementar na ang maong EO, tugutan lang nga makasulod sa Gensan mao ang mga essential travel sama sa mga trabahante, medical ug pagkaon.
Sa karon, ilaha pang obserbahan ang implemtasyon sa border control apan higayon nga mu-grabe ang matalang local transmission sa covid sa mga kasikbit nga lugar, magpatuman na usab ug laing measure ang syudad.(LVR)
