Masobra 14 mil ka barangay volunteer workers sa probinsya sang Iloilo, magabaton sang tag- 4 mil pesos nga allowance sugod sa una ukon ikaduha nga semana sang Disyembre

Magabaton sang tag- 4,000 pesos ang 14,018 ka mga barangay service point officer (BSPO), barangay nutrition scholar (BNS), barangay health worker, kag day care worker sa bilog nga probinsya sang Iloilo sugod una o ikaduha nga semana sang Disyembre 2018.

Suno kay Governor Arthur Defensor Sr., ang paghatag sang Php 4,000 nga allowance sa mga brgy. volunteer workers, nagapakita lamang sang pagkilala sang provincial Government sa ila boluntaryo nga serbisyo.

Ginpasiguro man ni Governor Defensor nga indi na hasta san-o madula ang allowance kada Disyembre sang mga volunteer workers bangud ini ang ginpasaran na sang ordinansa kag ginpainan sang budget.

(photo from web)