Masobra 1,600 ka mga pamilya apektado sang pagbaha sa Lambayong, Sultan Kudarat.

10

Naglab-ot sa masobra 1, 600 ka mga pamilya ang apektado sang pagbaha sa banwa sang Lambayong, Sultan Kudarat halin sang nagligad nga semana base sa datos sang Municipal Disaster Risk Reduction and Management Office.
Suno kay MDRRM Action Officer Sherwin de Guzman ang mga barangay nga mas apektado sang pagbaha sa banwa amo ang Tinumigues, Pinguiaman, Udtong kag Madanding
Paklaro naman ni Engr. De Guzman nga ang mga nagbakwit nga residente ang malapit lang ang balay sa national highway nga nagtukod sang temporary shelter sa higad dalan agud nga may tiniran ilabi na ang mga kabataan kon magsaka ang tubig.
Aminado si De Guzman nga limitado na lang ang pondo sang LGU nga sarang hulagon sa subong.
Samtang suno sa iya magaconvene ang PDRRMC Sultan Kudarat agud hisgutan ang posible solusyon sa problema sang pagbaha kag posible pagrekomendar nga ipaidalom sa state of calamity ang probinsya tungod sa epekto sang pagbaha.
Nahibaluan nga apat ka mga banwa sa Sultan Kudarat ang apektado sang pagbaha sang nagligad nga semana nga Bagumbayan, Lambayong, Isulan kag Esperanza.

Facebook Comments