Pagadian City – Naghangak nga nagpakitabang sa mga elemento sa mga kapulisan sa Pagadian City Police Station alas 12:48 kaganinang kaadlawon.
Human kini ang gi Hold up saw ala pa maila nga suspek dihang dapita sa Purok Makiangayon, Barangay Napolan, sakop ning syudad sa Pagadian duol sa junction road padulong sa Nazareth, Buenavista sakop ning dakbaya.
Naila ang biktima nga si Dianne Dingcong Lopez, 21 anyos, babaye, usa ka ESL nga magtutudlo , residente sa Purok Sentro, Napolan ning syudad.
Nasayran nga ang biktima gasakay sa usa ka tri-wheeler (Bao-Bao) gikan sa Purok Sweet Love, Dumagoc, ning dakbayan padulong sa iyang panimalay apan kalit lang matod pa nga ang driver niini mipahunong kay nadaot matod pa ang headlight sa gimaniho niini nga bao-bao.
Samtang nagkamolo pag-ayo sa suga migawas ang maong biktima sa maong sakyanan ug sa dihang kalit nga misuntok ang suspect sa kutukuto sa biktima sa makadaghang higayon rason nga dali ra nasakmit sa suspek ang bag sa biktima nga may sulod nga 8 mil ka pesos.
Ang suspek misibat paingon sa Sitio Nazareth, Barangay Buenavista sakop ning syudad ug ining panahona padayon pa ang gihimong makuti nga hot pursuit operation sa mga otoridad aron madakpan ang nakasibat nga suspek.
