. Masobra 163, 200 target nga mga estudyante sa South Cotabato nga mabakunahan sa ginapatuman nga school based immunization.

Nagalab-ot sa 163,272 ka mga estudyante ang target nga mabakunahan sa ginapatigayon sa subong nga school-based immunization (SBI) sa probinsya sang South Cotabato nga nag-umpisa sang Hunyo tubtob Setyembre subong nga tuig.
Sa datos sang Department of Education (DepED) yara sa135, 657 sa mga ini ang sa idalom sang South Cotabato Division kag 27,615 sa Koronadal City Division.
Target naman ang 95 porsyento sang mga kabataan nga mabakunahan sa idalom sang School Based Immunization Program sang Department of Health kag Department of Education.
Nahibaluan nga nagpatigayon sang SBI forum ang Provincial Health Office (IPHO) sa mga estudyante kag mga ginikanan sa Koronadal Central Elementary School ukon KCES-1 nga may tema nga “Back to Bakuna, Una sa Lahat, Bakuna”.
Sa nasambit nga aktibidad gintalakay ang mga mahatag nga benepisyo sang bakuna sa mga kabataan kapareho na lamang para sa tipdas,tetanus, diptheria kag subong man human papillomavirus para sa mga kabataan nga babaye.
May-angot sini, suno kay South Cotabato Provincial Health Officer Dr. Rogelio Aturdido Jr. positibo man ang response sang mga ginikanan sa ginapatuman nga school based immunization tungod ginapaintiendi man sa ila ang kaayuhan sang bakuna nga ginahatag sa mga kabataan.