Naglab-ot na sa 1,731 ka mga trabahante ang naregularize sa Soccsksargen region humalin lamang Enero tubtob Mayo 31 sini nga tuig.
Suno kay Dole Assistant Regional Director Arlene Bisnon ini ang 19.23% pa gid lamang sang 9,000 ka mga workers ng a target nila maregularize subong nga 2019.
Nahibaluan nga nagapadayon ang inspeksyon sang mga inspector sang DOLE 12 sa mga pribado nga kumpanya kon bala nagasunod ang mga ini sa executive order ni Presidente Rodrigo Duterte angot sa pagpauntat sa contractualization sa pungsod.
Sang 2018, nagalab-ot sa 9,070 ka mga contractual workers sa Region 12 ang nakaangkon sang regular status bangud man sa ginapabaskog nga kampanya sang gobyerno batok sa illegal labor contracting practices.
Nahibaluan nga 6,000 sa mga regularized workers sang nagligad nga tuig ang halin sa Dole Philippine Inc. (Dolefil) nga nakabase sa South Cotabato.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
