Nagalab-ot sa 172,592 doses ka mga vaccines ang gindeliver kahapon nga adlaw sang Department of Health 12 sa mga local government units sa rehiyon.
Ang panibag-o nga supply sang bakuna ang ginabug-usan sang 30,692 doses sang Sinovac, 1,000 doses sang AstraZeneca, kag140, 900 doses sang Janssen.
May-angot sini, ang South Cotabato Integrated Provincial Health Office ang nakabaton sang 30,512 doses sang COVID-19 vaccines.
Ginalakipan ini sang 6,512 doses sang Sinovac’s CoronaVac, 6,488 dire ang para sa first dose sang mga nabilin nga healthcare workers (A1), senior citizens (A2), kag persons with co-morbidity (A3); samtang ang 24 doses ang para sa second dose sang nakaeskedyul nga bakunahan subong nga semana.
Samtang ang 4,600 vials (23,000 doses) sang Johnsons & Johnsons’s Janssen vaccine ang para sa mga senior citizens kag persons with co-morbidity sa mga geographically isolated kag depressed areas (GIDAs) subong man sa mga OFWs nga nakaeskedyul nga ideploy sa sulod sang apat ka bulan.
Ang Koronadal City ang nakabaton naman sang 1,000 doses sang AstraZeneca nga para naman sa mga senior citizens.
Base sa direktiba sang DOH, 40 porsyento sang Sinovac vaccine nga gindeliber ang para sa mga senior citizens sa idalom sang Tutok A2 initiative.
