Ginapreparar na sang Technical Education and Skills Development Authority 12 ang mga dokumento para sa pagbukas sang mga scholarship subong nga tuig.
Suno kay TESDA 12 Regional Director Rafael Y. Abrogar II nga sa pihak sang pandemya nagapadayon ang programa sang TESDA 12 sa rehiyon.
Dugang pa ni Director Abrogar II nga sakop sang masobra 20,000 nga mga scholarship ang mga probinsya ng Sultan Kudarat, South Cotabato, North Cotabato kag Sarangani Province nga mas naapektuhan sang pandemya.
Sakop sang scholarship program ang construction, manufacturing, agriculture, electrical, hotel services kag iban pa.
Bukas man ang mga programa sang TESDA sa mga Indigenous Peoples, rebel returnees, PWD, Person Deprive of Liberty kag mangin ang mga pamilya sang mga suldado kag pulis nga napatay man ukon napilasan sa engkwentro.
Matandaan nga nanguna ang TESDA 12 sang nagligad nga tuig sa may pinakamadamo nga indibidwal nga nakapangita sang obra sa bug-os nga pungsod nga yara sa 84%.
Sa subong 10,000 na ka mga slots ang nabuksan sa bug-os nga rehiyon nga pwede makuha sa pinakamalapit nga TESDA Provincial Offices kag Provincial Training Centers sang TESDA.
