Masobra 200 ka mga persona, ginpasaligan nga makaobra sa South Korea kabaylo sang ginpangayo nga kantidad sang recruiter!

1412

Roxas City, Capiz – Masobra 200 na ka mga persona ang nagdangop sa Roxas City PNP agud nga magpa-blotter sa kapulisan matapos sila ang ginpasalig nga magtrabaho sa South Korea kabaylo sang ginbayad nga masobra P70,000 pesos.
Suno sa mga ini, sila ang gintanyagan sang trabaho bilang factory worker padulong sa Busan South Korea sang recruiter nga si Ramilyn Andrade y Esteban nga taga- Pangpang Bolo, Roxas City.
Gin-require ang mga ini nga magbayad sang P60, 000 pesos para sa pagproseso sang visa kag ticket, P10, 000 pesos nga pocket money, P3, 000 pesos nga Korean Insurance kag 700 pesos nga terminal fee.
Nahibaluan nga makaduha ka beses ang mga ini nga ginpromisahan nga naka-book na ang flight pa South Korea sang Oktubre 20 kag Nobyembre 12 apang ini ang lunsay nakanselar.
Sa subong yara na sa kustodiya sang NBI si Ramilyn Andrade y Esteban samtang indi naman makontak sa subong ang Korean national nga nagahingalan kay “Kim”.
Samtang kaina sang aga, nakigsapol kay Capiz Governor Esteban Evan “Nonoy” Contreras sa Provincial Capitol ang mga persona nga na biktima sang recruitment.

Facebook Comments

From Advertisers